DOCTOR DEGREE A KIDAWN HILO, A MI

Dear laisimteng,
Kei muhdan ong gen leng maw..., Ei innkuan a hong hawh hong zin khempeuh zong ih dawndan kibang kim theilo hi. Khual pan hong zin khempeuh ak ih gawh zo den kei hi. Ih sanggam laizom sung nangawn ah zong ih ki nahvawh dan zui in ih ki zom hi. Tua pen a vai omzia tungah kinga zaw dinga, deihdanna kici thei khin pahlo ding hi.



Doctor ngah khempeuh Zomibup min tawh a kidawn cih thu hilo zaw a, a angtang phadiak ten a pahtoihna uh hizaw dingin ka ngaihsut sak hi. Zomi groupmail tuamtuam ah thuthak tuamtuam ong puak te zong Zomi bup huam in thupulak ding a khasum tawh ih cial (Zomi bup huam ZOMI MEDIA DEPARTMENT a REPORTER nasem cihdan) hilo a, amau mimal in a phawk khak pak teng hong at uh hi zaw lel ding hi.

Kawlgam kumpi Thein Sein zong gamdang ah khualzin napin mipi dawnna leh mipi mai ah thugen cih kiza khollo a, Aung San Suu Kyi leuleu ciang a  za (rank) neuzaw na pi gamsung gampua ah mipi-in a thugen a lunggulh zah in pha zo kawikawi lo zaw in pahtawina ngah kawikawi zaw hi.

Ki dawn cih pen a mipa leh a dawn mipi te ki nahvawh dan tungah ki nga hi zaw kha ding a, ki deidanna dan hilo zaw kha ding hi.

Gtn: Kei bangin Doctor thuap 3 bang ka ngah phialzongin Saipimual khua ten hong dawn khollo ding uh hi. Aih hang ka khamkhua Laangzang khua ah va ciah leng bel thupi hong sakna zah uh leh hong angtan na zah un hong pahtawi ding uh ka lamen hi.


Zomi picin nading lunggulhna tawh
Thu pai zia vei leh tak khinkhai a et a kisin...

JK Kam
ITNA LEIBA

src::http://zominam.org/en/thuluite/zomi-thului/329-doctor-degree-a-kidawn-hilo-a-mi.html