ZOMI, MAKAI,NUNGZUI LEH KHANTOH NA

Nung zuisiam kul ihcihciang makai ten thuzuihding hongel a tua makaite genbang.sawl bang a gamtatna, zuih na pen nungzui hoih a hihi.




Makai siam ihcih ciangin ihmi ihsa te koicileh hamphading koicileh khangtoding koici leh zahtak baang ding ci a ngaihsut na gelna a neithei te pen makai hoih makai siam kicihi.

Makai ih cihciang in khua khat, mihing khat , cihbangciang hamphatnading a vai hawm te penmakai hoih ,picing kici thei lo hi.Makai khat in migenthei micimawh khat a huhman in makai hoih kicitheilo a ,banghangin hih mi cimawh,cihmawhna pen koipanhongpai keimuhpen hi pa ahihhangin keimuhloh kamipihte hihbang a cimawh tampitak omding ahihmanin hih cihmawh pen bangpanhong kipan ci in azung abul in kankha dinga g.t zunekna hang in cihmawh gentheih na piang hi ci a a hang a ngaihsutleh ihminam  sungah kuamahin zu zuaktheiloding ,nethei loding hi ci a khamding a hihi.tua pen mi pi in mang ,zui ding ahihi.

Ih neihsatawh ih vaihawmciang in nuamtuamsap napi in ihneihsain cinlo a hihmanin bang mahpiang zotuanlo a sumkhawng dong,a haksatna huh na pen makai te nasep dingin thu cihtakmel het lo nasep khat ahihi.

Abeisa hunsung ih etciangin zomi buppi haksana,zawnna,anduhgilkial,sumlehpai kicingzolo ih thawhsa an khamzolo in ki om a tuapen sumlehpai tawh huhding hileh kuaman ama neihsa tawh huhkim zolo ding hi. A hizongin Gamdang ah ihpaitheih nading in Zomite a ding haksatna om kawmkal panin ZOMI makai hoih tein honghanciam in zumte hongphu a tua hangin ZOMI a tamzaw pen gamdang gamhoih te tungin sumhau in innkuanpih te khua pih te  pawl pi te ki huh to a tuaciangin ZOMI buppi pen noptuam na lian pi khantoh na lianpi kinei hongsuak hi.Hih pen makai hoih makai siam te nasep natungtawn pan a gah a hihi.

Tua bangin gamdangah noptuam ihzon laitakin kawlkumpi ten kawlgamsungah ZOMI omlohi ciin thugen a hihmanin Makaisiamte hongkipan kik in ihomna gamdangmah paninZOMI ommahung ci in akisaina zumteah laipuak,in kamtawh ot na ahizongin neiding cih vaihawm na hong nei a, nungzuisiam pawlkhat tenzong mangpah in mitawm khat in a gamtat na huh hau in ZOMI om mahhi ci in kawl kumpi in gen kik cih ih theihsa hihi. Hih bang nasem te pen makai siam leh nungzuisiam ih cihte hi in ka ngaihsun hi.

ZOMI te hih bang in ihgil tawmbang hongvah in ih omciang in hih ihgilvah nading a makai nasem te ki phawk nawnlo kuacih zong kantel selo in ihomlaitak in mipil misiam ZOMI pawlkat te hong kipanin kipawlna tuamtuam hongphuan in ZOMI te khuahun a kikhelsak te phawk khak in zong neinawn selo uh a amau pilna leh a vang te uh hongmasuan in nopcimahmah ,Zah takbang mahmah in mitelak ah ih makai te pen minuai ah om lo midangte mah tawh kikim a pilna ,siamna neite ahihmanin milak zongah mipite ih angtangmahmahhi.

Tua ahihman in ih makai te in ZOMI te ading bang hongsemding,koi bangin hong mapang ding cih lamet na lianpitawh ki ngak in lawptak in kiom hi.A hizong in tuciangdong zomi te a ding vaipuakna ah sepding bawl ding lampi te hihbang,hibang hi cih gen na leh zaksak na ongnei nailo uh a hihman in mipi te nungzuih ihsiamnuam zong in zuih ding thu om nailo hongsuakhi.

Ki uk nalamsang naingangi vai ah ZOMI te zong party ihnei a Ih angtang mahmah hi.Ih party in tuciangdong ZOMI te ading kikhang khan na ,Noptuamna pi taktak aom nai keihang in mailam ah lametna mah tawh ih ngak lai hi.ZOMI party makai pipa bang hong omkei leh bang ihsuakding  cih lung khamhuai na zong tampitak mah om hi.bang hanghaim cih leh mikhem peuh in makaiza neithei , na pin khantoh na taktak pen makai khempeuh in neilo/theilo mawk a ahnei thei/ding makai tawm mahmah a hih man ahihi.

Zomi sung ah Makai,mipil tampitak omkhin a thupi theimahmah ,zahtak baang thei mahmah a hih hangin zogam noptuam na leh khantoh na taktak a ngah sak makai tawmlaimahmah hi leh ki lawmkasahi.kawlgam pen suah takna ngahnadinga vaihawm Aungsan pen tuhun
ciangin galkap kumpi in a min a kizak loh theihtheih nading in vaihawm ,nasem ,a masangin zalianzaw,pilzaw hi ung ci in Aungsan pen  a thusimhetlo dan mah in Zomi telakahzong hih bang dan lungsim ih om kha hiam bang ka cinuam phial hi. Banghanghiamcihleh lo vat a khaicituh pa pen An lak pawi bawlciang in kisam masa zolo,zutep ding khat ombang hileh ki kai masa lo in a peeng,a nua lam ah ki koih cih bangdan pawl om leh kilawm ,omtuak ka sa hi.

ihcihnop na pen ZOMI makai kua ,Zomi sungah kua zalianpen,kua pil pen ,Kua in nungzui haupen, ih cihsang in

ZOMI sung ah kua in khantohna lampi sialpen,kua in khangtosak pen,kua in ZOMI ,minam mite theih dingin pulak zopen ,ZOMI te kampau,lai, Ngeina,cih te kancian ding hizaw leh bang a ci tam  cih kei ngaihsut na hi.

Ih ngaih sut na tawh a kitauk lo a om khak leh ki telsiam ding in hong thum ing.


                                                                                                   SUUMZOMI
                                                                                                   Melbourne

src::http://zominam.org/en/thuluite/zomi-thului/327-zomi-makai-nungzui-leh-khantoh-na.html